Anëtari i Kryesisë së PDK-së, Betim Gjoshi, ka reaguar pas miratimit të programit të qeverisë së re të Kosovës i cili përbëhet prej 40 faqesh.

Sipas tij, është zhgënjyese që për dy muaj koalicioni qeverisës ka propaganduar se kanë hartuar program të madh qeverisës.

“Dy muaj na kanë pas lodhë me ato takimet e famshme se si po bënin plane të mëdha ekonomike. Ta kompleksonin edhe babain e ekonomisë moderne, Adam Smithin”, ka shkruar Gjoshi.

Shkrimi i plotë i Gjoshit në “Facebook”:

Këta “gjenitë” e politikës me zor paskan arritë t’i shkruajnë 40 faqe program për qeverisjen e vendit.

Dy muaj na kanë pasë lodhë me ato takimet e famshme se si po bënin plane të mëdha ekonomike. Ta kompleksonin edhe babain e ekonomisë moderne, Adam Smithin.

Ky “program”, që vetëm emrin ia kanë ngjitë kështu – nuk po e kalojka nivelin e një dokumenti të ndonjë bashkësie lokale.

Ky “program” qenka fundi i shpresës për të rinjtë që mbanin akoma shpresë për punësim e perspektiva tjera.

Joserioziteti i madh që po i karakterizon është shenjë serioze për fundin e shpejt të këtij koalicioni.