Gjykata e Tiranës ka dënuar sot për shpifje kryetarin e Partisë Demokratike (PD), Lulzim Basha, pas padisë që ia ka bërë kryetari i Gripit Parlamentar të Partisë Socialiste (PS), Taulant Balla.

“Basha sot është shpallur fajtor dhe i detyrohet shtetit shqiptar të shlyejë dënimin që sot gjykata dha. Do i kërkoja Bashës dhe PD-së që të heqin dorë nga kjo politikë bajate e bazuar në shpifje. Ky vendim gjykate të jetë një moment që PD të reflektojë në marrëdhënien ndërinstitucionale që ka qoftë me mazhroancën, qoftë me Kuvendin apo institucionet e tjera”, ka thënë Balla.