Ish-kryeministri maqedonas Nikolla Gruevski ka dalë të enjten para gjykatës në Budapest lidhur me kërkesën e autoriteteve në Shkup për ekstradimin e tij.

Por gjykatësja ka vendosur që ai të mos ekstradohet dhe të lihet i lirë. Sipas raportimit të medieve në Budapest, gjykata nuk mund të miratonte ekstradimin për një person të cilit tashmë i është dhënë azili në Hungari.

Ish-kryeministri Gruevski i arratisur nga vendi i tij, u pa brenda gjykatës në Budapest me një kapele bejsbolli në kokë, me syze dielli dhe një xhaketë të hedhur mbi duar, që sipas të gjitha gjasave ishin të lidhura me pranga.