Ndeshja e Tunizisë kundër Malit në Kupën e Kombeve të Afrikës përfundoi në kaos pasi arbitri ndërpreu lojën para kohe dy herë në kohë të rregullt – duke përfshirë pesë minuta para përfundimit të 90 minutave.

Përveç kësaj, në lojë kishte dy penallti të diskutueshme, si dhe një karton të kuq.

Mali fitoi një penallti në minutën e 48-të, kur Ellyes Skhiri bllokoi një goditje me krahun e tij.

Tunizisë iu dha shansi për të barazuar nga pika e bardhë në minutën e 75-të pas rishikimit të VAR-it.

Megjithatë, portieri i Malit, Ibrahim Mounkoro, e mbrojti penalltinë, shkruan Sportbible.

Gjërat morën një kthesë të çuditshme kur gjyqtari zambian, Janny Sikazwe, i dha bilbilit të tij për përfundim të ndeshjes pas vetëm 85 minutash lojë.

Të dy grupet e lojtarëve dukeshin plotësisht të hutuar, ndërsa Sikazwe drejtoi dorën për në tunel,  para se të kuptonte gabimin e tij.

Vetëm pak minuta më vonë, Zikazwe i dha një karton të kuq direkt mesfushorit malian, El Bilal Toure, për një ndërhyrje pa të lënduar në mesfushë.

Atij iu kërkua të rishikonte sfidën nga VAR-i dhe u kontrollua në ekranin e fushës, por referi nuk ndryshoi mendjen.

Tunizia po përpiqej për të barazuar rezultatin, por lojtarët mbetën të frustruar kur Zikazwe ndaloi lojën 10 sekonda pa u mbushur 90 minuta.

Lojtarët e Tunizisë ishin dukshëm të indinjuar nga vendimi i arbitrit për të mos shtuar asnjë kohë shtesë, pavarësisht ndërprerjeve të shumta në ndeshje.

Zikazwe kërkoi mbrojtje nga siguria pas fishkëllimës së plotë, pasi kryetrajneri i Tunizisë, Mondher Kebaier, u kundërpërgjigj me zemërim ndaj zyrtarëve. Mali mundi Tunizinë 1-0 në ndeshjen e tyre hapëse të turneut, falë një goli në pjesën e parë nga Ibrahima Kone.

😳 The referee has blown the whistle after 89 minutes in Tunisia vs Mali #AFCON

😡 Tunisian coach Mondher Kebaier is furious with the decision to finish the game with no additional time pic.twitter.com/RISJCnclAK

— Football Daily (@footballdaily) January 12, 2022