Florent Hadergjonaj shënoi një gol të bukur për të barazuar rezultatin në ndeshjen ndaj Maqedonisë (1-1).

Pas humbje me rezultat 2-1 të Kosovës, Hadergjonaj ka deklaruar se me mirë do të ishte që “dardanët” të fitonin se sa ai të shënonte gol.

“Normalisht, është vështirë të gjej fjalët, pas kësaj loje. Për mua do të ishte më mirë të mos shënoja gol, por që të fitonim. Ne ishim të përgatitur veç për fitore e të shkonim në finale, të kënaqim popullin tonë. Vështirë të gjejmë fjalët. Duhet të shikojmë, të flasim me veten e për të kaluar këtë fazë të vështirë për ne”, ka thënë Hadergjonaj.

Golashënuesi i vetëm i Kosovës: Më mirë të fitonim se sa të shënoja gol