Cristiano Ronaldo synon ta kalojë Platinin si golashënuesin më të mirë në histori të Kampionatit Evropian.

“Euro 2020” do të jetë e veçantë për Cristiano Ronaldon.

CR7 në Euro 2016, ku Portugalia triumfoi në finale duke e mundur Francën, arriti që të bëhet njëri prej golashënuesve më të mirë në histori të Kampionatit Evropian.

Ai e barazoi Michel Platinin me 9 gola, por tani synon të pushtojë i vetëm vendin e parë dhe do të ketë shansin në Euro 2020.

Në mesin e 20 golashënuesve më të mirë në histori të Euro, janë vetëm tre lojtarë aktiv, CR7, Antoinë Griezmann dhe Zaltan Ibrahimovic – ky i fundit ishte në listën e Suedisë, por lëndimi i rëndë e la jashtë Euro 2020.

Pas Ronaldo dhe Platinis me nga 9 gola, gjendet Alan Shearer i Anglisë, me shtatë gola, derisa shtatë futbollistë kanë realizuar nga 6 gola me Griezmann që do të ketë shansin që të shkruajë gjithashtu historinë.