UEFA ka publikuar golashënuesit më të mirë të çdo sezoni në formatin e ri të Ligës së Kampionëve nga viti 1992.

Pasi Bayern Munich fitoi finalen e edicionit 2019/20, shtëpia e futbollit evropiane ka vendosur që t’i publikojë më të mirët, por edhe golashënuesit ndër vite. “Bavarezët” fituan 1-0 përballë Paris Saint-Germainit me golin e vetëm të shënuar nga Kingsley Coman.

Cristiano Ronaldo vazhdon të jetë golashënuesi më i mirë në histori të Ligës së Kampionëve, derisa mban rekordin me 17 gola të shënuara në edicionin 2013/14 sa ishte pjesë e Real Madridit.

Një gol më pak, portugezi e kishte shënuar në edicionin 2015/16, aty ku “Los Blancos” ishin shpallur kampion të garës më të madhe për klube në Evropë. Në këtë edicion që lamë pas, Robert Lewandowksi ishte golashënuesi më i mirë me 15 sosh, duke barazuar kështu rekordin e Ronaldos në edicionin 2017/18.

😍 Top scorers by season in UCL era…
⚽️ Who's your favourite?#UCL pic.twitter.com/Xfe6umCk0i

— UEFA Champions League (@ChampionsLeague) August 25, 2020