Milwaukee bëhet forca e tretë në Konferencën e Lindjes pas fitores me rezultat 142-129 ndaj Washingtonit. Të gjithë titullarët e Bucks realizuan mbi 15 pikë, ku u dallua Giannis Antetokounmpo, autor i 42 pikëve e 13 rebound.

Zhgënjen skuadra e Bostonit, që u mund me shifrat 121-118 në fushën e Charlotte pas kohës shtesë, por ruan kreun e klasifikimit në Lindje. Tatum realizoi 45 pikë e 13 rebound për Celtics, por që s’mjaftuan për të fituar, ndërsa për Charlotte shkëlqu LaMelo Ball, me 36 pikë. Fitore të rëndësishme korrën Clippersat, që mundën San Antonio (124-99). Stoli ishte vendimtar për Clipers, nga ku erdhën 54 pikë.

Rikthehet te fitorja pas 6 humbjesh radhazi ekipi i Golden State, që mundi me rezultat 121-116 Houstoni. Rikthimi i Curry vendimtar për Warriors, autor i 32 pikëve.

Rezultatet

Charlotte – Boston                   121-118
Detroit – Denver                       103-107
Washington – Milwaukee       129-142
Chicago – Miami                      100-118
Minnesota – New York           117-100
New Orleans – Sacramento   129-93
San Antonio – Clippers           99-124
Golden State – Houston         121-116