Golden State i ka shfrytëzuar më së miri dy ndeshjet e para gjysmëfinale të luajtura në fushën e saj, duke i fituar të dyja. Kampionët e Warriors e mposhten 115-109 Houstonin në takimin e dytë gjysmëfinale në Konferencën ne Perëndimit, duke udhëhequr 2-0 serinë e ndeshjeve. Një përballje në përgjithësi e ekuilibruar, por që Golden State e dominoi gjatë gjithë kohës. Vendasit patën vazhdimisht një epërsi prej 10-15 pikësh, duke qenë gjithnjë në epërsi. Të pestë titullarët e Warriors realizuan mbi 15 pikë, me të zakonshmin Kevin Durant që ishte shënuesi më i mire, me 29 pikë.

Edhe James Harden realizoi 29 pikë për Houston, por që nuk mjaftuan për të evituar humbjen. Tashmë ekipi teksan do të luajë në fushën e tij dy takimet e radhës, me shpresën që të fitojë dhe rihapë kualifikimin, raporton ‘telesport’.

Në Lindje, skuadra e Milwaukee fitoi 123-102 ndaj Boston, duke barazuar 1-1 serinë e ndeshjeve. Një ndeshje me dy pamje, e ekuilibruar dhe me rivalitet në të parën, me barazime të shpeshta. Në të dytën erdhi shkëputja e Bucks, me Antetokounmpo që bëri diferencën në parket, duke realizuar 29 pikë e 10 rebaund, mbështetur edhe nga Middleton me 28 pikë.

Konferenca e Lindjes – Gjysmëfinale “play-off”

Milwaukee – Boston                123-102 (1-1)
Toronto – Philadelphia                           (1-1)

Konferenca e Perëndimit – Gjysmëfinale “play-off”

Golden State – Houston           115-109 (2-0)
Portland – Denver                                     (0-1)