Ekipi i Golden State fitoi me rezultat 132-126 ndaj Bostonit pas kohës shtesë, në një ndeshje spektakolare mes dy ekipesh pretendente për titull.

Edhe pse të gjithë titullarët e Bostonit realizuan mbi 10 pikë (White 30 pikë më i miri), kjo s’mjaftoi. Për Golden State u dallua Stephen Curry, autor i 33 pikëve. Fitore të rëndësishme arriti skuadra e Portlandit, që mundi me rezultat 109-104 Phoenixin.

Duranti realizoi 40 pikë por që mbetën për statistikë, ndërsa për vendasit u dalluan Simons dhe Grant. Fiton edhe ekipi i Milwaukee, që falë 40 pikëve të Damian Lillard mundi San Antonio (131-119), duke qëndruar mes pretendentëve në Lindje. Fitore në sekondat e fundit korri ekipi i Memphisit, që triumfoi ndaj New Orleans (115-113), sfidë ku u dallua Ja Morant, me 34 pikë.

Rezultatet

New Orleans – Memphis          113-115
Milwaukee – San Antonio        131-119
Golden State – Boston               132-126
Portland – Phoenix                    109-104