![](https://www.epokaere.com/wp-content/uploads/2018/11/nba-4.jpg)
Golden State regjistron fitoren e tetë radhazi
Kampionët e Golden State vijojnë marshimin e tyre në Konferencën e Perëndimit, duke mundur 117-101 Memphisin, suksesi i tetë radhazi për basketbollistët e Warriors.
Një ndeshje me rivalitet vetëm në pjesën e parë, pasi më tej gjithçka foli për vendasit, që u shkëputën deri në 25 pikë e korrën një fitore të merituar. Thompson me 27 pikë e Durant me 22 ishin dy shënuesit më të mirë për Golden State, ndërkohë që 38 pikë u realizuan nga lojtarët e stolit. Fiton edhe skuadra e Denver, ndjekësja më e afërt e Warriors në Perëndim, që mundi 115-107 Boston, falë 48 pikëve të Murray. Fitorja e pestë radhazi edhe për Oklahomën, që ka dalë nga kriza, duke mundur 122-116 New Orleans, sfidë në përgjithësi e komanduar nga basketbollistët e Thunder.
George realizoi 23 pikë për Oklahomën, ndërkohë që një ndihmë të madhe dhanë lojtarët e stolit, që realizuan 46 pikë.
Rezultatet
Detroit – Miami 115-120
Indiana – Houston 94-98
Orlando – Cleveland 102-100
New York – Chicago 115-116
Oklahoma – New Orleans 122-116
Denver – Boston 115-107
Utah Jazz – Toronto 111-124
Golden State – Memphis 117-101
Clippers – Minnesota 120-109