Ditë zhgënjyese për disa nga skuadrat pretendente për titull në NBA. Pas katër fitoresh radhazi, skuadra e Lakersave u mund me rezultat 118-104 nga Philadelphia. LeBron James realizoi 31 pikë, por që s’mjaftuan për Lakersat, ndërkohë që për vendasit shkëlqeu Tyrese Maxy me 43 pikë.

Humbet edhe skuadra e Milwaukee, që u ndal me shifrat 125-112 nga Portlandi. Antetokounmpo realizoi 39 pikë e 12 rebound për Bucks, por që mbetën për statistikë. Për Portlandin u dallua Deni Avdija me 30 pikë. Rikthehet te fitorja ekipi i Golden State, që mundi me rezultat 114-103 Utah Jazz.

Vendimtar stoli i skuadrës së Warriors, nga ku erdhën 51 pikë. Fitore të vështirë korri jashtë fushe Houstonin, që mundi me rezultat 100-96 Atlanta. Jalen Green me 25 pikë ishte lider në fushë për miqtë.

Rezultatet

Atlanta – Houston             96-100
Philadelphia – Lakers       118-104
Golden State – Utah Jazz 114-103
Portland – Milwaukee      125-112