Lideri i Partisë së Goranëve të Kosovës (JGP), Adem Hoxha, ka thënë se ky komunitet po përballet me shumë sfida.

Ai ka treguar se këto sfida ai i paraqiti në takim kandidatit të LV-së për kryeministër, Albin Kurtit dhe kandidates për presidente Vjosa Osmanit.

Këtë takim ai e ka quajtur të frytshëm, duke shtuar se janë pro formimit të Qeverisë të udhëhequr nga Kurti.

“Bllokadën e institucioneve nuk e shohim si metodë politike për zgjidhjen e problemeve. Natyrisht edhe ne i kemi kërkesat tona minimale për përfshirjen e barabartë në institucionet e Kosovës…”, ka deklaruar ai.