Gosens: Kam ardhur në një nga ekipet më të mëdha në Evropë
28 janar 2022
| 12:09
Robin Everardus Gosens është edhe zyrtarisht futbollistë i Interit. Ai është transferuar në formë huazimi me obligimin e blerjes gjithmonë nëse plotësohen kushtet në marrëveshjen e arritur me Atalantën. Gosens do ta veshë fanellën me numrin 18 në skuadrën kampione të Italisë.
“Është një krenari e madhe sepse kam ardhur në një nga ekipet më të mëdha në Evropë, jam shumë i lumtur që jam këtu dhe me të vërtetë mezi pres të filloj”, ka thënë Gosens.
Futbollisti gjerman foli edhe për trajnerin Simone Inzaghin. “Po, folëm mbrëmë në një video-telefonatë, ai më tha se çfarë pret nga unë dhe unë i tregova pak për idetë e mia, kem një dëshirë të madhe për të punuar së bashku dhe mezi pres të jem në fushë me të dhe me ekipin”, ka shtuar Gosens.