Grabitësit e maskuar si Salah arrestohen nga policia egjiptiane
19 maj 2020
| 19:21
Katër burra janë arrestuar në Kairo pasi kanë kryer grabitje duke mbajtur maska me pamjen e yllit të futbollit, Mohamed Salah.
Banda e armatosur është arrestuar derisa po tentonte të grabiste një shitore në rrugën Hassanein Heikal, në lagjen Nasr City, ka raportuar goal.com. Të gjithë katër grabitësit kanë mbuluar fytyrën e tyre duke përdorur maska me pamje të sulmuesit të Liverpoolit, që është superyll në vendin e tij, Egjipt.
Banda është përpjekur të largohet pasi forcat e sigurisë u afruan, por janë kapur nga autoritetet e sigurisë.
Salah është ylli më i madh sportiv në Egjipt. Është lojtari kyç i Egjiptit me 41 gola në 67 ndeshje.
