Talibanët i kanë ndaluar gratë të udhëtojnë në distanca më të gjata se 72 kilometra, përveç nëse shoqërohen nga një anëtar mashkull i familjes.

“Gratë që udhëtojnë për më shumë se 45 milje (72 kilometra) nuk duhet t’u ofrohet një udhëtim nëse nuk shoqërohen nga një anëtar i ngushtë i familjes”, tha Sadeq Akif Muhajir, duke specifikuar se duhet të jetë një i afërm mashkull.

Udhëzimi, i shpërndarë në rrjetet e mediave sociale, vjen disa javë pasi ministria u kërkoi kanaleve televizive afgane të ndalonin shfaqjen e dramave dhe telenovelave me aktore gra.

Ministria për Promovimin e Virtytit dhe Parandalimin e Vesvese u kishte bërë thirrje gjithashtu grave gazetare televizive që të mbajnë hixhabe gjatë prezantimit.

Direktiva e re e ministrisë që parandalon gratë të udhëtojnë vetëm në distanca të konsiderueshme gjithashtu tha se njerëzit duhet të ndalojnë së luajturi muzikë në automjetet e tyre.

Që nga marrja e pushtetit në gusht, talibanët kanë vendosur kufizime të ndryshme për gratë dhe vajzat, pavarësisht se premtuan një rregull më të butë në krahasim me qëndrimin e tyre të parë në pushtet në vitet 1990, transmeton Klankosova.tv.