Gratë deputete bëjnë homazhe te busti i Albrightit
24 mars 2022
| 10:44
Dje ka ndërruar jetë në moshën 84-vjeçare ish-sekretarja amerikane e Shtetit, Madeleine Albright.
Sot Grupi i Grave Deputete dhe drejtoresha e Institutit Demokratik Kombëtar (NDI), Nancy Soderberg, kanë bërë homazhe te busti i ish-sekretares Amerikane të Shtetit, Madaleine Albright.
Ato u shprehen falënderues për veprën e ish-sekretares Albright dhe ndikimin që pati në ndërhyrjen e NATO-s në Kosovë në vitin 1999.
Deputetja e Lëvizjes Vetëvendosje, Tinka Kurti, ka thënë se nderimi që po i bëhet asaj sot, është shenjë se do të jetë në mendjet dhe zemrat e popullit të Kosovës, raporton EO.
Ndërkaq drejtoresha e Institutit Demokratik Kombëtar (NDI), Nancy Soderberg, ka thënë se vdekja e ish-sekretares Albrigt e ka prekur shumë.