Grenelli, demokratëve: 20 vjet dështuat për ta zgjidhur problemin Kosovë-Serbi
Ish-emisari amerikan për dialog Kosovë-Serbi, Richard Grenell, ka thënë që demokratët amerikanë kanë dështuar në lidhje me çështjen e Kosovës.
Grenelli ka thënë se ata duan që njerëzit që kanë qenë këndej për një kohë të gjatë, ta luajnë lojën e tyre.
“Për këtë arsye e urrenin Donald Trumpin, sepse ai vinte nga jashtë. Shembulli i përkryer është problemi i Serbisë dhe Kosovës. Kur unë u bëra i dërguar i posaçëm, mu tha se duhet ta formoj ekipin tim me njerëz që kanë punuar në këtë çështje për 20 vjet dhe unë u thashë: A nuk mendoni se ata kanë punuar për këtë për 20 vjet dhe ndoshta kanë dështuar”.
“Por kjo nuk shqyrtohet në Uashington, kjo është mendësia e të jashtmëve (ata që nuk janë të përfshirë në proces) të cilën ata e urrejnë”, ka thënë Grenelli për “Newsmax”.
.@RichardGrenell says "the Beijing line is: look at Russia, don't look at us, and that is exactly what the Democrats have been doing." [with @JohnFBachman on Newsmax TV: https://t.co/VlT7z8drtO] pic.twitter.com/OskpdmUfte
— NEWSMAX (@NEWSMAX) January 28, 2021
