Ish-i dërguari i presidentit amerikan për dialogun ndërmjet Serbisë dhe Kosovës, Richard Grenell, ka thënë se fitorja bindëse e SNS-së ka kontribuar edhe në atë që presidenti i Serbisë, Aleksandër Vuçiq, ka menaxhuar krizën e krijuar, siç vlerësuar ai nga lideri ekstremist i Kosovës, Albin Kurti.

Grenelli në rrjetin social “X” ka deklaruar se ka dëgjuar shumë që pretendojnë se të pavarurit dhe pensionistët në Serbi përfunduan duke votuar për SNS-në sepse Vuçiq u soll shumë mirë në negociatat me liderin “ekstremist” të Kosovës Albin Kurti.

Sipas tij, sa ishte Hashim Thaçi president, ai po mundohej të sillej në mënyrë të barabartë, por me ardhjen e Kurtit në pushtet, situata ka dalë jashtë ekuilibrit.

Unë po dëgjoj shumë prova që pretendojnë se të pavarurit dhe pensionistët në Serbi në fund votuan për SNS-në sepse Vuçiq e trajtoi shumë mirë liderin ekstremist të Kosovës, Albin Kurti. Kur komuniteti ndërkombëtar e dënoi Kurtin në mënyrë universale, atyre iu pëlqeu mënyra sesi Vuçiq e menaxhoi krizën dhe qëndroi mbi të. Më kujtohet se duhet të bëja presion ndaj Serbisë dhe Kosovës në mënyrë të barabartë kur Thaçi ishte President. Por me ardhjen e Kurtit në pushtet, situata ka dalë jashtë ekuilibrit. Kurti krijoi probleme dhe radikalizmi i tij ishte një çështje kryesore për këta votues”, ka shkruar Grenelli.