![](https://www.epokaere.com/wp-content/uploads/2021/03/kurti-grenell-587x391-587x360-1.jpg)
Grenelli merret sërish me Kurtin: S’po i përmbush marrëveshjet, duhet të largohet nga skena politike
Ish-emisari i Shteteve të Bashkuara të Amerikës për dialogun Kosovë-Serbi, Richard Grenelll, ka vazhduar të merret me kryeministrin e Kosovës, Albin Kurti si dhe qeverisjen e tij. Grenelli ka deklaruar se Kurti duhet të largohet nga politika.
“E di se mund të shkaktoj kokëçarje me qëndrimin tim, por do të vazhdoj të jem i sinqertë, Albin Kurti dhe autoritetet e tanishme në Kosovë nuk përmbushin diçka për të cilën janë pajtuar, kështu që thjeshtë ata duhet të largohen nga skena politike”, citohet të këtë thënë Grenelli, raporton “Kosovo-online”.
Grenelli këtë qëndrim e pati gjatë një mitingu elektoral, derisa po mbështeste Ron Johnson, i cili synon që të zë një ulëse në Senatin Amerikan, i cili gjithashtu ka folur për kryeministrin Kurti.
“Ai vepron me supozimin se shqiptarët e Kosovës e kanë mbështetjen e parezervë të Amerika dhe që Amerika nuk i do serbët, çfarë atij ia mundëson që të bëjë çfarëdo që do, por kjo nuk është çështja”, ka thënë se Johnsoni.