Presidenti i Serbisë, Aleksandar Vuçiq, i ka ndarë një çmim Richard Grenellit, të dërguarit amerikan për dialogun ndërmjet Serbisë dhe Kosovës gjatë administratës së Donald Trump.

Lajmin e ka bërë me dije në “Facebook” presidenti serb.

Grenell u nderua me “Urdhrin e Flamurit Serb” për shërbime të dalluara në zhvillimin dhe forcimin e bashkëpunimit paqësor dhe marrëdhënieve miqësore ndërmjet Serbisë dhe Shteteve të Bashkuara të Amerikës.

“Kam nderin të shpreh mirënjohjen time në emër të qytetarëve të Serbisë për një njeri i cili në një kohë të shkurtër me punë të palodhshme pati një ndikim të rëndësishëm në marrëdhëniet ndërmjet Serbisë dhe SHBA-së dhe pasuroi në mënyrë thelbësore lidhjet mes popujve tanë”, thënë Vuçiq.