Pas vizitës që e ka zhvilluar në Prishtinë, i dërguari i posaçëm i presidentit amerikan  për dialogun Kosovë-Serbi, ambasadori Richard Grenell, ka vizituar edhe Beogradin.

Gjatë takimit me presidentin serb, Aleksandër Vuçiq, ambasadori Grenell ka thënë se ekziston një afat i shkurtër kohor për t’i zgjidhur marrëdhëniet Prishtinë-Beograd.

Ai ka theksuar se Trumpi nuk donte të humbiste kohë dhe se nuk do të lejojë që zgjidhja të zgjasë shumë nëse nuk ka përparim.