Sulmuesi i Barcelonës, Antoine Griezmann, shpreson se do të vazhdojë të luajë së bashku me Lionel Messi sezonin e ardhshëm. Blaugranat kontestuan mundësinë e Messit për ta bërë një lëvizje të tillë, sipas kushteve të kontratës së tij aktuale.

Griezmann shpreson që argjentinasi të vijojë të luajë ende te katalanasit: “Ne jemi duke u përpjekur të qëndrojmë të përditësuar me këtë çështje, edhe pse është diçka midis tij dhe klubit. Ne vetëm shpresojmë që ai të qëndrojë. Unë jam duke u përpjekur të përqendrohem në ekipin kombëtar dhe të përgatitem mirë për dy ndeshjet e ardhshme të Ligës së Kombeve. Kemi dëgjuar pak nga gjithçka, por nuk dimë asgjë tjetër për gjithë këtë çështje”.

Babai dhe agjenti i yllit argjentinas, Jorge, fluturoi në Barcelona këtë javë, nga vendlindja e tij, Rosario, për të mbikëqyrur bisedimet me klubin. Më pas u tha gazetarëve se negociatat kishin shkuar mirë.