Antoine Griezmann është i vendosur të bëjë një ndikim të madh te Barcleona pas transferimit prej 120 milionë eurosh nga Atletico Madridi.

Reprezentuesi francez kompletoi kalimin e tij nga Atletico më 12 korrik dhe është i gatshëm të fillojë menjëherë me klubin nga “Camp Nou”. Griezmann ka folur për objektivat e tij me katalunasit, ku ka theksuar se dëshiron t’i fitojë të gjithë trofetë.

“Jam shumë i lumtur që jam këtu dhe jam i entuziazmuar për të filluar. Jam i etur për të filluar dhe për të punuar me grupin. Do të ketë sfida të reja dhe unë dua të fitoj gjithçka – Ligën, Copa del Rey dhe Ligën e Kampionëve” ka thënë Griezmann.