Telashet në familje nuk kanë të ndalur. Çdo ditë në polici raportohen numër i madh rastesh, ku konfliktet mes bashkëshortëve shpesh përfundojnë me dhunë fizike e psikike.

Një rast i tillë ka ndodhur dje në një familje në Prishtinë.

Këtë herë një burrë kërkoi ndihmën e policisë, duke e denoncuar për dhunë bashkëshorten me të cilën është në prag divorci.

Burimet brenda Prokurorisë kanë bërë me dije se bazuar në dëshminë e viktimës, gruaja e tij ka ushtruar dhunë psikike pas disa mosmarrëveshjeve, e më pas dyshohet se edhe e ka sulmuar fizikisht.

Bazuare në informacionet e para, e dyshuara ka dalë më pas nga banesa, por burri vendosi ta raportojë në polici.

Si rezultat i denoncimit, çifti janë intervistuar lidhur me rastin dhe kanë dhënë deklaratat e tyre për atë që ka ndodhur.

Pas përfundimit të procedurave policore, me urdhër të Prokurorit të Shtetit, ndaj gruas është iniciuar rasti për “Dhunë në familje”.