Manchester City këtë sezon është në formë të frikshme dhe po shkëlqen në të gjitha aspektet. Një portier i mirë është më shumë se nevojë dhe Pep Guardiola duket se ka goditur në shenjë me Edersonin.

Braziliani është “mace” mes katërkëndëshit dhe shkëlqen gjithashtu në atë që Guardiola e ka aq merak, lojën me këmbë. Spanjolli në një intervistë të dhënë së fundmi thekson se Ederson është më i mirë se Manuel Neuer dhe Viktor Valdes në lojën me këmbë.

“Ederson më këmbë është më i miri, cilësia e tij e pasimit është padyshim më e mira. Manuel Neuer dhe Victor Valdes ishin gjithashtu të jashtëzakonshëm, por Edersoni ka cilësitë më të mira në pasim. Gjithsesi, nuk mund të them se cili është portieri më i mirë në botë”, ka thënë Guardiola.