Manchester City mposhti me rezultat 5-0 ndaj Huddersfieldit, kurse në minutën e 57-të hyri në lojë Kevin de Bruyne, i cili u kthye në fushë pas dëmtimit të rëndë në kofshë që pësoi gjatë fillimit të sezonit, duke gëzuar jo pak “strategun” e bankinës, i cili nuk mund ta fshihte gëzimin në fjalët e tij pas ndeshjes.

“Ne jemi jashtëzakonisht të kënaqur që Kevin de Bruyne është rikthyer, sepse ai na ndihmon për të fituar ndeshjet. Është shumë e rëndësishme ta rikthejmë atë pas një dëmtimi të gjatë. Ai do të na ndihmojë me talentin e tij, por unë nuk dua të lëshoj të gjithë presionin mbi supet e tij, sepse nuk është e drejtë. Ne kemi djem në mesfushë që duan të vrapojnë. Kevin është i jashtëzakonshëm. Ai është unik. Ne jemi vërtet të kënaqur që është kthyer pas më shumë se tre muajsh me ne. Ai dha një asist shumë të bukur për golin e Doku”, ka thënë Guardiola.