Trajneri Pep Guardiola ka deklaruar se Manchester City duhej të ndalte ecurinë negative me disa humbje radhazi në ndeshjen ndaj Nottinghamit, të cilin arriti ta fitonte me rezultat 3-0.

“Na duhej kjo fitore. Klubi dhe lojtarët kishin nevojë për të fituar, por është vetëm një ndeshje. Problemet vazhdojnë me Manu dhe Nathan. Në përgjithësi, më e rëndësishmja ishte të thyenim këtë rutinë negative dhe më në fund fituam, por duhet të vazhdojmë.

Guardiola me pas hodhi poshtë zërat se kishte një përçarje me Kevin De Bruyne: “Sezonin e kaluar ishte shumë muaj i lënduar dhe këtë sezon gjithashtu. Jam shumë i lumtur që është rikthyer. Ai luftoi shumë. Sa i përket fizikut të tij dhe minutave kundër Feyenoordit, nuk ishin të mira dhe prandaj vendosa që të mos luajë titullar në ‘Anfield’ (kundër Liverpoolit) për shkak të ritmit të lartë të kundërshtarit. Por minutat që luajti në ‘Anfield’ ishin shumë të mira dhe sot luajti 75 minuta fantastike”.