Trajneri Pep Guardiola thotë se Manchester City duhet të merr rezultat në Torino ndaj Juventusit pavarësisht sezonit të dobët që po kalojnë.

Skuadra angleze nuk është askund nivelit që ishte në pesë vitet e fundit, duke qenë tetë pikë më pak se Liverpooli në Premierligë, ndërsa ka arkëtuar vetëm tetë pikë në Ligën e Kampionëve.

Në konferencë për shtyp, Guardiola ka konfirmuar se ky sezon është për të mbijetuar kurse synimi në mesjavë do të jetë vetëm fitorja.

“Fillimi i sezonit ka qenë i vështirë dhe do të jetë vështirë për tërë sezonin”.

“Duhet të mbijetojmë, është sezon për të mbijetuar. Duhet të fitojmë ndeshje, marrim pikë dhe shkojmë përpara. Fatkeqësisht na kanë munguar lojtarët e rëndësishëm”.

“Në përgjithësi, atë që e kanë bërë lojtarët ka qenë shumë e mirë nëse shihen shkaqet. Duhet të vazhdojmë kështu me lojtarët që i kemi në gatishmëri. Tani shkojmë në Torino për Ligën e Kampionëve dhe duhet të paraqitemi mirë për të marrë një rezultat”, deklaroi ai.

Ndërkohë, City ka gjasa të ulëta për t’u kualifikuar direkt në 1/8 e finales të Ligës së Kampionëve, prandaj pritet të luajë në play-off.