Manchester United e mposhti Manchester Cityn (2-0), dhe në këtë mënyrë e ndali serinë 21 fitoreve. Trajneri Pepe Guardiola u shpreh se skuadra e tij luajti shumë mirë, pavarësisht se nuk mundi të fitonte.

Sipas tij, djemtë luajtën më mirë se në ndeshjen me West Ham javën e kaluar, të cilën e fituan 2-1.

“Urime Manchester United për fitoren. Ishin ekip i fortë dhe na shënuan shpejt. Pas 10 minutave të para të vështira ne u rikthyem të ishim të rrezikshëm. Në këtë betejë luajtëm më mirë se në ndeshjen e shkuar me West Ham. Tre pikët në atë rast nuk ishin të merituara. Këtë herë luajtëm më mirë, por rezultati nuk ishte me ne”, ka deklaruar Guardiola.