Kampionët e Francës janë të hapur për ta shitur Neymarin nëse marrin një ofertë të përshtatshme dhe “Etihad Stadium” është shpallur si destinacioni i tij më i mundshëm i radhës. Sidoqoftë, Pep Guardiola këmbëngul se ai nuk është në radarin e klubit që drejton.

Gazeta franceze “Le Parisien” raportoi se Neymari i është ofruar drejtpërdrejt Manchester Cityt, por trajneri katalanas e ka konsideruar këtë pretendim si të rremë: “Më vjen shumë keq për ‘Le Parisien’, por nuk është e vërtetë. Më vjen keq për ta, sepse informacionet që kanë marrë janë të rreme. Neymar është një lojtar i jashtëzakonshëm dhe nga informacionet e mia, ai është një djalë i mirë. Lëreni të shprehet në Paris. Manchester City blen 150 lojtarë çdo verë, sipas medieve, por kjo nuk është e vërtetë. Më vjen keq për Neymarin, sigurisht!”.