Liverpooli ka shënuar fitore në derbi ndaj Manchester Cityt. “Reds” në shtëpi mposhtën me rezultat 2-0 ndaj “Citizens” në kuadër të javës së 13-të në Premierligë.

Gjatë ndeshjes, tifozët e Liverpoolit nisën në kor t’i drejtoheshin trajnerit të Manchester Cityt, Pep Guardiola se do të shkarkohej në mëngjes, teksa ai çoi 6 gishta, për t’i treguar titujt e fituar në elitën e futbollit anglez. E pas ndeshjes, ai foli rreth kësaj situate.

“Ndoshta kanë të drejtë! Nuk e prisja këtë në ‘Anfield’. Ndoshta duhet ta kishin kënduar më parë. Nuk e prisja nga njerëzit e Liverpoolit, por është në rregull!”, u shpreh Guardiola për “Sky Sports”.