Gjatë gjithë sezonit është raportuar se trajneri i Manchester Cityt, Pep Guardiola, e pëlqen shumë mesfushorin e Real Madridit, Iscon, të cilin e dëshiron në Premierligë.

Ky transferim dukej edhe i mundshëm, duke e ditur që Isco nuk po arrin të jetë titullar i padiskutueshëm në ekipin e Zinedine Zidanes. Por, ish-trajneri i Barcelonës dhe Bayern Munchenit ka bërë me dije se nuk janë të interesuar për Iscon. “A do të nënshkruani me Iscon? Jo, City nuk do ta transferojë Iscon”, u përgjigj Guardiola.