Manchester City arriti një fitore në minutat shtesë ndaj Wolverhamptonit (1-2) në “Molineux Stadium”. Trajneri Pep Guardiola ka thënë se City nuk është mësuar të fitojë në këtë mënyrë.

“Nuk jemi mësuar të fitojmë në këtë mënyrë, mbaj mend që Liverpooli në kohën e Kloppit fitonte ndeshjet në fund. Gjithsesi ky është një sinjal pozitiv, pasi tregon karakterin dhe vendosmërinë e skuadrës. Klasifikimi? Nuk e shoh asnjëherë, sidomos në këtë periudhë të sezonit, është shumë herët”, ka deklaruar Guardiola.