“Unë e dua ekipin tim, më pëlqeu gjithçka, por ekipi që kishim përballë nuk janë rastësisht kampionët e Italisë, janë një skuadër e shkëlqyer që luan shumë mirë në kundërsulm dhe që mbrohen mirë”. Me këto fjalë e nisi Pep Guardiola konferencën për shtyp pas barazimit ndaj Interit.

Strategu spanjoll është i kënaqur se ekipi i tij luan bashkë në sulem dhe mbrojtje, derisa përmendi edhe pesë rastet e krijuara për gol.

“Kemi luajtur më mirë se sa në finalen e Stambollit. Në pjesën e dytë kishim të paktën 4-5 raste për gol, ndërsa ata vetëm një rast në fund me Lautaron. Nuk kishte asgjë që nuk më pëlqeu në këtë ndeshje. Jam shumë i lumtur që mund të sulmoj me 11 lojtarë, të gjithë sulmojnë, mbrojnë, rikuperojnë topa. Në nivele të tilla nuk mund të krijosh 20 raste për gol, në krijuam 5, luajtëm mirë, por nuk fituam”, ka deklaruar Guardiola.