Manchester City pësoi humbjen e pestë radhazi, një humbje e thellë 0-4 brenda në “Etihad” nga Tottenham Hotspur. Trajneri Pep Guardiola ka thënë se në tetë vitet e fundit City nuk ka përjetuar një situatë të tillë, po ka premtuar se do të rikthehen edhe me të fortë.

“Në tetë vite nuk kemi përjetuar kurrë një situatë të tillë. Tani nuk na mbetet gjë tjetër vetëm ta përjetojmë këtë moment dhe ta kalojmë duke fituar ndeshjen e radhës. Do të rikthehemi, do të bëjmë këtë, të jeni të sigurt”, ka thënë Guardiola.