Ruud Gullit, legjenda holandeze e Milanit, ka këshilluar Bayern Munchenin të marrë Matthijs de Ligt nga Juventusi, ndërkohë që flet edhe për të ardhmen e Erling Haalandin në intervistën e dhënë për “Bild”.

“De Ligt ka mësuar shumë te Juventusi dhe mund të japë një kontribut të madh për Bayern Munichun”, ka thënë fillimisht holandezi, i cili më tej ka folur për sulmuesin norvegjez të Borussia Dortmundit.

“Haaland e shoh në Angli, por mendoj se nuk do të shkojë te Manchester Unitedi. City do të ishte një opsion i mirë për shkak të Pep Guardiolas. Liverpooli dhe Jurgen Kloppi do të ishin një mrekulli për të. Ajo që ka bërë Jurgen në atë klub është e pabesueshme. Thjesht duhet ta duash atë dhe ai gjithmonë është i uritur. Kjo i shkon për shtat Haalandit. Në Spanjë vetëm Real Madridi është një opsion. Këto janë tri klubet që do të jenë në garë për Erlingun”, ka deklaruar Gullit.