Mesfushori i Manchester Cityt, Ilkay Gundogan e pranon se skuadra e tij duhet të ishte më e mirë këtë sezon të garave.

Gundogan në një mesazh për tifozët e Cityt, është shprehur i bindur se kampionët në fuqi të Anglisë, do të përmirësohen në javët e ardhshme.

“E di se ka qenë një periudhe e vështirë dhe sfiduese kohëve të fundit. Është diçka që nuk e kemi përjetuar kurrë më parë”, ka thënë Gundogan.

“Jam i sigurt se gjërat do të përmirësohen në javët dhe muajt e ardhshëm. Ne duhet të rifitojmë besimin që kemi pasur për kaq shumë vite”.

“Ndihem shumë mirë në këtë qytet dhe jam mirënjohës për gjithçka që klubi dhe qyteti më kanë dhënë në jetë. Gjithashtu e di se mund të bëj më shumë dhe do të jap gjithçka në vitin 2025 me menaxherin tim, shokët e skuadrës dhe gjithë klubin për rezultate më të mira”, ka pohuar Gundogan.