![](https://www.epokaere.com/wp-content/uploads/2024/08/gundogan-1.png)
Gundogan: Mezi pres të rivësh fanellën e Cityt
Ka zgjatur vetëm një sezon aventura e Ilkay Gundogan në Barcelonë.
Mesfushori gjerman është rikthyer sërish te Manchester City, skuadër më të cilën firmosi një kontratë 1-vjeçare. Gundogan do të mbajë të veshur fanellën me numrin 19.
Mesfushori u largua nga City pasi udhëhoqi ekipin si kapiten në një sezon fantastik ku arritën të fitonin “tripletën” legjendare.
Në total me fanellën e “qytetarëve”, Gundogan kishte luajtur 304 ndeshje duke shënuar 60 gola. Gjatë prezantimit të tij, turko-gjermani nuk e fshehu gëzimin për këtë rikthim në shtëpi.
“Gjashtë vitet e mia këtu kanë qenë një kënaqësi e madhe. Të kisha një mundësi për t’u rikthyer këtu për mua do të thoshte shumë. Të gjithë e dinë respektin që kam për Pep Guardiolan, trajneri më i mirë në botë. Çfarë të them për lojtarët këtu, janë të gjithë të një niveli botëror. Mezi pres të rivësh fanellën e Manchester City”, theksoi ndër të tjera Gundogan gjatë prezantimit të tij.