Drejtori për Inspektime në Komunën e Gjakovës nga radhët e PDK-së, Hysni Muhadri, ka bërë me dije se guri i nënës Pashkë është vendosur në Mejë, shkruan “Epoka e re”.

Ai ka thënë se një gjë e tillë është bërë në koordinim kryetarin e komunës, familjen dhe policinë.

Ky guri është vendosur te varrezat në Mejë deri në një zgjidhje përfundimtare.

Guri Përkujtimor i Pashkë Markut, nënës që dogji veten pas kthimit dhe varrimit të mbetjeve të bijve të saj të vrarë dhe të djegur nga kriminelët serbë, ishte hequr me bager nga pronari i tokës në fshatin Korenicë, aty ku ishte i vendosur.