ShBA-ja shënon më shumë se 32 000 persona të infektuar me koronavirus, njofton CNN-i, të cilët janë testuar përmes sistemit të shëndetit publik dhe të paktën 400 persona kanë humbur jetën.

Ky është numri total i të infektuarve në 50 shtete.

Ndërkohë gjysma e tyre është në Shtetin e Nju Jorkut, ku guvernatori Andrew Como deklaroi të dielën në mëngjes se parashikohet që 40 – 80 % e qytetarëve mund të preken nga pandemia.

“Po përpiqemi ta ngadalësojmë përhapjen, por ajo do të përhapet për shkak se është ngjitëse” tha ai, duke shtuar se shumica e njerëzve do ta kalojnë sëmundjen nëse nuk janë më të moshuar ose nuk kanë sëmundje të tjera.

Zv/presidenti Mike Pence deklaron se deri tani janë testuar 254 mijë amerikanë.

Deri më tani në tetë shtete të Amerikës është shpërndarë urdhri për të qëndruar në shtëpi.