Haalandi, lojtari më i vlefshëm në botë
Erling Haaland është për momentin futbollisti më i vlefshëm në botë, duke kaluar edhe se Kylian Mbappe. Renditja është bërë nga KPMG Football Benchmark, një platformë interaktive që kryen analiza të thelluara të biznesit të Futbollit.
Talenti norvegjez, që tashmë është shndërruar makineri golash te Borussia e Dortmundit, ka parakaluar në këtë renditje “yllin” e PSG-së. Kartoni i Haalandit vlerësohet 144.2 milionë euro, duke zhvendosur në vendin e dytë talentin francez, cili vlerësohet 5 milionë euro më pak (139.5), pasi ka hyrë në vitin e fundit të kontratës së tij me PSG.
Në vendin e tretë renditet Harry Kane e pas tij Bruno Fernandes dhe Romelu Lukaku. Braziliani Neymar, tashmë 29-vjeç, ka zbritur në vendin e gjashtë, për të vijuar me Frenkie de Jong, Kevin de Bruyne, Marcus Rashford dhe Jadon Sancho. Interesant fakti që gjashtë lojtarë të top-10-shes janë pjesë e Premier Leagues.
Mungojnë në grupin e lojtarëve me vlerë më të lartë të tregut Lionel Messi dhe Cristiano Ronaldo, për shkak të moshës së tyre të madhe.
10 futbollistët me vlerën më të lartë:
Erling Braut Haaland 144,2 milionë euro
Kylian Mbappe 139,5 milionë
Harry Kane 121,2 milionë
Bruno Fernandes 118,19 milionë
Romelu Lukaku 115,6 milionë
Neymar 115,5 milionë
Frenkie de Jong 114,3 milionë
Kevin De Bruyne 112,5 milionë
Marcus Rashford 110,9 milionë
Jadon Sancho 110,5 milionë