Hajdar Sutaj, pjesë e listës së AAK-së për deputet
Hajdar Sutaj nga Deçani ka vendosur që t’i hyjë garës për deputet të Kuvendit të Kosovës nga radhët e Aleancës për Ardhmërinë e Kosovës (AAK).
Lajmin e ka bërë me dije, zyrtari i lartë i AAK-së, Daut Haradinaj, i cili ka lavdëruar kontributin e Sutajt.
Haradinaj ka thënë se kandidatura e Stutajt është vlerë e shtuar e AAK-së.
“Në listën për deputet nga radhët e AAK-së do të jetë edhe Hajdar Sutaj! Një i ri, bashkëpunëtor e koleg i çmuar i yni, që tani e 20 vite ka dhënë kontribut të jashtëzakonshëm dhe i ka dhënë shpirt aktivitetit në Aleancë, në Deçan, Dukagjin dhe nivel qendror. Hajdari është njëri ndër djemtë shembull tipik që përfaqëson brezin e ri të Aleancës, të cilët kanë qëndruar gjithmonë konsistent në mbështetje të vizionit dhe konceptit të AAK-së dhe liderit Ramush Haradinaj. Kandidatura e tij për deputet nga radhët e AAK-së, është vlerë e respektuar! Suksese ty Hajdar, sikurse mbarë Aleancës! Të priftë e mbara e dalsh fitimtar!”, ka shkruar Haradinaj në llogarinë e vet në “Facebook”.
