Në Dhomat e Specializuara në Hagë sot do të dalin para gjykatës, ish-Ministri i Drejtësisë, Hajredin Kuçi dhe ish-kryetari i Malishevës, Isni Kilaj, të cilët akuzohen për tentim ndikim mbi drejtësinë.

Senaca për Kuçin fillon në orën 10:00, kurse për Kilajn në orën 13:00.

Gjatë seancës së djeshme, në sallë ka folur edhe Thaçi.

“E di se Kosova është në prag të zgjedhjeve të përgjithshme. Por, unë nuk jam pjesë e garës elektorale, unë nuk paraqes rrezik për askënd. Prandaj, kërkoj edhe sot – unë respektoj dhe besoj në Kushtetutën dhe ligjet e Kosovës – nga të gjithë, kudo që jeni ulur, në cilëndo anë apo në çdo uniformë që jeni në këtë sallë të respektohet Kushtetuta dhe ligjet e Kosovës”, theksoi Thaçi.