Sot paradite ka pëlcitur tubi kryesor i furnizimit me ujë në fshatin Hajvali, i cili ka lënë pa ujë të pijshëm banorët në katër lokalitete. Siç njofton KRU “Prishtina”, ekipet e mirëmbajtjes së rrjetit të ujësjellësit menjëherë janë mobilizuar dhe kanë dalë në vendin e ngjarjes për të bërë përpjekje të shpejtë për sanim. Deri në sanimin e këtij defekti pa ujë të pijshëm do të mbesin Hajvalia, Veterniku, Çagllavica dhe fshati Miradi. Nuk është njoftuar se sa do të zgjasë sanimi.