Haki Abazi: Kot e ka Isa taktikën ‘përçajë e sundo’
Ish-zëvendësministri i Kosovës nga radhët e Vetëvendosjes, Haki Abazi, ka reaguar ndaj deklaratës së kryetarit të LDK-së, Isa Mustafa, i cili më herët ka thënë se Vjosa Osmanit i kanë mbetur vetëm votat e “duetit Haxhi Avdyli & Haki Abazi”, pasi të tjerët i ka zhgënjyer.
Abazi ka shkruar në llogarinë e vet në “Facebook” ka shkruar se Mustafa e ka të kot taktikën “përçajë dhe sundo”.
“Kot e ka Isa taktikën “përçajë e sundo”. LV-ja dhe secili aktivist, edhe partitë tjera e kanë të qartë traktatin përçarës të Isës bashkë me portalet e financuara nga buxheti shtetit”, ka shkruar Abazi.
Postimi i plotë i Abazit:
Ndërdija e Isës po flet, nga frika nuk po guxon me menduar faktin që zgjedhjet kanë me u mbajt e Vetëvendosje ka me qenë forca politike që do e transformoj shoqërinë shqiptare pa Rakiqin dhe Isën…
Kot e ka Isa taktikën “përçajë e sundo”. LV-ja dhe secili aktivist, edhe partitë tjera e kanë të qartë traktatin përçarës të Isës bashkë me portalet e financuara nga buxheti shtetit.
E ka për mbijetesë, e di që elektorati nuk kanë me ia falë, po as drejtësia jo:
Tradhtinë e 6 tetorit
Fondin e 3-përqindëshit
Hajninë e UFORK dhe transferin e fondit të MF
Dardania Bankën
Telefonat dhe faturat e presidentit Rugova
Ahmet Krasniqin
Përvetësimet në Union, TerraNova, Nënkalimin, Terminalet…
Nuk ka faj që një ushtri e ndryshimit po i duket duet!