Themeluesi i shoqatës bamirëse ”Jetimat e Ballkanit”, Halil Kastrati, ka treguar se për festën e 28 nëntorit do të dhurohen 28 shtëpi për nevojtarët.

Ai këtë e ka thënë në Info Magazine të Klan Kosova.

“Nuk mund të dalë nga kjo studio pa treguar se kemi zgjedhur që për 28 nëntor të japim 28 palë çelësa, pra 28 shtëpi të reja”, ka thënë Kastrati.

“Me 28 nëntor në Sallën e Kulturës në Prizren do t’i thërrasim familjarët, mysafirë dhe mediat. Do të dhurohen 28 shtëpi të reja për nevojtarët”, ka thënë ai.