Anëtari i Kryesisë së Partisë Demokratike të Kosovës, Xhavit Haliti, ka përkujtuar veprimtarin e çështjes kombëtare, Xhavit Hoxha.

Ai ka thënë Hoxha është njëri nga patriotët më të përkushtuar të Kosovës, shkruan “Epoka e re”.

“Sot ka 13-vjetorin e ndarjes fizike nga ne njëri nga patriotët më të përkushtuar të Kosovës, Xhavit Hoxha. Ndjehem krenar dhe i privilegjuar që e kisha mik, bashkëveprimtar dhe bashkëluftëtar për çlirimin dhe lirinë e Kosovës. Xhavit Hoxha do ta ketë të përjetshëm kujtimin dhe respektin tim.
Ai është njëri nga më meritorët që duhet të kujtohet dhe nderohet nga i gjithë kombi shqiptar”, ka shkruar Haliti në llogarinë e vet në “Facebook”.