Tre pengjet e para që u liruan janë civile femra: Doron Steinbrecher, Romi Gonen, Emily Damari.

Hamasi ka liruar tre pengjet e para izraelite, sipas akordit të arritur me Izraelin për një armëpushim afatgjatë në Gaza, me ndërmjetësimin e disa shteteve, pas negociatave të Katarit.

Forca e Mbrojtjes e Izraelit (IDF) ka konfirmuar tani dorëzimin e tre pengjeve dhe thotë se Shin Bet dhe personeli i IDF janë duke pritur për t’i marrë në dorëzim ato.

Tre pengjet e para që u liruan janë civile femra: Doron Steinbrecher, Romi Gonen, Emily Damari.

Bëhet fjalë për një infermiere veterinare 30-vjeçare, një ish-skaut 24-vjeçare e rrëmbyer në Festivalin Nova dhe një vajzë 28-vjeçare e cila gjithashtu ka nënshtetësi britanike.

Steinbrecher jetonte në Kibbutz Kfar Aza. Para se të rrëmbehej, ajo regjistroi një mesazh zanor dhe ia dërgoi një grupi miqsh: “Ata kanë ardhur, po më marrin”. Për një javë ishte e paqartë nëse ajo ishte vrarë apo marrë peng.

Gonen është një nga vajzat e marra nga Festivali Supernova. Edhe ajo qëndroi në kontakt me nënën e saj deri në fund. Ai po ikte nga Hamasi dhe i shkruante në celular: “Mami, më qëlluan. Të gjithë po rrjedhin gjak”.