Kryetari i Komunës së Deçanit, Bashkim Ramosaj, ka pritur sot në takim drejtorin e gjimnazit “Vëllezërit Frashëri” në Deçan, Hamid Qorraj, i cili falë përkushtimit në punë ka marrë vlerësimin maksimal për performancë në drejtimin e gjimnazit, vlerësim ky i bërë nga DKA dhe S.I.A në Pejë.

“Me këtë rast kemi nënshkruar kontratën për vazhdimin e mandatit edhe për katër vitet e ardhshme si drejtor i kësaj shkolle. Urime dhe suksese të vazhdueshme në punë!”, ka shkruar Ramosaj në llogarinë e vet në “Facebook”.